முகப்புகோலிவுட்

‘பிக் பாஸ்’ முடிந்ததும் ‘இந்தியன் 2’ ஷூட்டிங் - ஸ்கெட்ச் போட்ட கமல்ஹாசன்

  | September 11, 2018 13:31 IST
Shankar

துனுக்குகள்

  • 'இந்தியன்' முதல் பாகம் சூப்பர் ஹிட்டானது
  • இப்படத்தின் ப்ரீ-புரொடக்ஷன் பணிகள் பரபரப்பாக நடந்து வருகிறது
  • ‘பிக் பாஸ்’ சீசன் 2வை கமல்ஹாசன் தொகுத்து வழங்கி வருகிறார்
விக்ரமின் 'ஐ' படத்தின் ஹிட்டிற்கு பிறகு இயக்குநர் ஷங்கர் இயக்கத்தில் ரெடியாகி வரும் படம் '2.0'. ‘சூப்பர் ஸ்டார்’ ரஜினிகாந்த் ஹீரோவாக நடித்துள்ள இப்படத்தின் போஸ்ட் புரொடக்ஷன் பணிகள் விறுவிறுப்பாக நடந்து வருகிறது. இதனையடுத்து இயக்குநர் ஷங்கர், 'இந்தியன்' படத்தின் 2-ஆம் பாகத்தை எடுக்கவுள்ளார்.

1996-ஆம் ஆண்டு வெளியான இதன் முதல் பாகத்தில் 'உலக நாயகன்' கமல்ஹாசன் 2 வேடங்களில் நடித்திருந்தார். பார்ட்-1 சூப்பர் ஹிட் என்பதால் இப்போதே இப்படத்தின் மீதான எக்ஸ்பெக்டேஷன் லெவல் அதிகமாக உள்ளது. இதிலும் கதையின் நாயகனாக கமல்ஹாசனே நடிக்கவுள்ளார். முதல் பாகத்தில் சி.பி.ஐ-ஆக வலம் வந்த நடிகர் நெடுமுடி வேணு இந்த படத்திலும் அதே கதாபாத்திரத்தில் (கிருஷ்ணசுவாமி) நடிக்கவுள்ளார்.

இப்படத்திற்கு ஜெயமோகன், கபிலன் வைரமுத்து, லக்ஷ்மி சரவணகுமார் மூவரும் இணைந்து வசனம் எழுதி வருகிறார்கள். ரவி வர்மன் ஒளிப்பதிவு செய்யவுள்ள இந்த படத்தின் ப்ரீ-புரொடக்ஷன் பணிகள் நடைபெறுகிறதாம். தற்போது, கமல் விஜய் டிவியில் தொகுத்து வழங்கும் ‘பிக் பாஸ்’ சீசன் 2 முடிந்த பிறகு ‘இந்தியன் 2’வின் முதல் ஷெடியூலில் கலந்து கொள்வாரென தகவல் வெளியாகியுள்ளது.
    விளம்பரம்
    விளம்பரம்
    விளம்பரம்