முகப்புகோலிவுட்

‘மாரி 2’ ரிலீஸ் தேதியை அறிவித்த தனுஷ்

  | December 04, 2018 11:15 IST
Dhanush Maari 2

துனுக்குகள்

  • இதில் தனுஷுக்கு ஜோடியாக சாய் பல்லவி டூயட் பாடி ஆடியுள்ளார்
  • தமிழ், தெலுங்கு என 2 மொழிகளில் இப்படம் உருவாகியுள்ளது
  • இந்த படத்துக்கு யுவன் ஷங்கர் ராஜா இசையமைத்துள்ளார்
2015-ஆம் ஆண்டு தனுஷ் நடிப்பில் வெளியான படம் ‘மாரி'. பாலாஜி மோகன் இயக்கியிருந்த இப்படம் மாஸ் ஹிட்டானது. இதில் தனுஷுக்கு ஜோடியாக காஜல் அகர்வால் நடித்திருந்தார். தற்போது, மீண்டும் தனுஷ் – பாலாஜி மோகன் கூட்டணி ‘மாரி 2'-விற்காக கைகோர்த்துள்ளது. இப்படத்தில் தனுஷுக்கு ஜோடியாக ‘ப்ரேமம்' புகழ் சாய் பல்லவி டூயட் பாடி ஆடியுள்ளார்.

கிருஷ்ணா, வரலக்ஷ்மி சரத்குமார், ரோபோ ஷங்கர் முக்கிய வேடங்களில் நடித்துள்ளனர். மலையாள நடிகர் டோவினோ தாமஸுக்கு வில்லன் கதாபாத்திரமாம். யுவன் ஷங்கர் ராஜா இசையமைத்துள்ள இதற்கு ஓம் பிரகாஷ் ஒளிப்பதிவு செய்துள்ளார், பிரசன்னா படத்தொகுப்பாளராக பணியாற்றியுள்ளார். இதனை தனுஷ் தனது சொந்த தயாரிப்பு நிறுவனமான ‘வுண்டர்பார் ஃபிலிம்ஸ்' மூலம் தயாரித்துள்ளார்.
 

ஒரே நேரத்தில் தமிழ், தெலுங்கு என 2 மொழிகளில் உருவாகியுள்ள இந்த படத்தை பார்த்த சென்சார் குழு ‘யு/ஏ' சான்றிதழ் அளித்துள்ளது. சமீபத்தில், வெளியிடப்பட்ட ‘ரௌடி பேபி' சிங்கிள் டிராக் நல்ல வரவேற்பை பெற்றது. தற்போது, தனுஷ் ட்விட்டரில் படத்தின் டிரெய்லரை நாளை (டிசம்பர் 5–ஆம் தேதி)-யும், படத்தை டிசம்பர் 21-ஆம் தேதியும் ரிலீஸ் செய்யத் திட்டமிட்டுள்ளதாக தெரிவித்துள்ளார்.
    விளம்பரம்
    விளம்பரம்
    விளம்பரம்