முகப்புகோலிவுட்

ஏ.ஆர். ரகுமானுக்கு நோட்டீஸ் அனுப்பிய சென்னை உயர்நீதிமன்றம்!

  | September 11, 2020 22:12 IST
Ar Rahman

இசையமைப்பாளர் ஏ.ஆர். ரகுமான் மீது வருமான வரித் துறை தாக்கல் செய்துள்ளது.

பாடகர்-இசையமைப்பாளர் ஏ.ஆர். ரகுமான் மீது வருமான வரித் துறை தாக்கல் செய்த வழக்கு தொடர்பாக மெட்ராஸ் உயர் நீதிமன்றம் அவருக்கு நோட்டீஸ் அனுப்பியுள்ளது.

ரகுமான் தனது அறக்கட்டளை மூலம் ரூ. 3.47 கோடிக்கு வருமான வரி ஏய்ப்பு செய்துள்ளதாகக் குற்றம் சாட்டப்பட்டுள்ளது.

வருமான வரித் துறையின் மூத்த நிலை ஆலோசகர் டி.ஆர். செந்தில்குமாரின் கூற்றுப்படி, ஆஸ்கார் விருது பெற்ற இசையமைப்பாளர் 2011-12 நிதியாண்டில் இங்கிலாந்து சார்ந்த தொலைத் தொடர்பு நிறுவனத்திற்கு பிரத்யேக ரிங்டோன்களை இயற்றியதற்காக ரூ. 3.47 கோடி வருமானம் பெற்றார். இந்த ஒப்பந்தம் மூன்று ஆண்டுகளாக நீடித்தது, அதில் ரகுமான் தனது தொண்டு அறக்கட்டளையான ஏ.ஆர்.ரகுமான் அறக்கட்டளைக்கு நேரடியாக பணம் செலுத்துமாறு நிறுவனத்திடம் கேட்டுள்ளார்.

ரகுமானுக்கு வருமானமாக வந்த பணத்தை வரி கட்டப்படாமல், தனது அறக்கட்டளைக்கு உரிய வரி விலக்கு இல்லாமல் அதை மாற்றியுள்ளதாகக் கூறப்படுகிறது. அறக்கட்டளைக்கு என்றாலும், இது அவருடைய வருமானம் என்பதால் இப்படி செய்தது வருமான வரிச் சட்டத்தின் கீழ் குற்றம் எனக் கூறப்படுகிறது.

    விளம்பரம்
    விளம்பரம்
    விளம்பரம்
    Listen to the latest songs, only on JioSaavn.com